پاکستان پیپلز پارٹی کی ترجمان فرزانہ راجہ نے وائس آف امریکہ کے محمد عاطف کو دئیے گئے ایک انٹرویو میں کہاہے کہ ملک میں پیپلز پارٹی کی حکومت آنے کے بعد جرائم میں 50% کمی ہوئی ہے اور خود کش حملے بھی پہلے سے کم ہوئے ہیں۔ ملک کو درپیش مشکلات یعنی مہنگائی، کھانے پینے کی اشیا کی عدم دستیابی اور بجلی کے بحران پر بات کرتے ہوئے انہوں نے کہا کہ ان کی حکومت کو یہ مسائل سابق حکومت نے تحفے میں دئیے ہیں۔ انہوں نے کہا کہ پی پی پی جلد اپنی زرعی پالیسی کا اعلان کرے گی جس میں کاشت کاروں کو سہولیات دی جائیں گی تاکہ ملک کی زرعی پیداوار بڑھے اور ملکی سطح پر خوراک کی کمی کا مسئلہ حل ہو۔